大家平時網購、叫外賣、甚至 book 酒店機票，係咪就咁俾錢就算？如果我同你講，你每一次「㩒掣俾錢」，其實都可以「賺返筆」，你又信唔信？

今日就同大家大解密！到底咩係「回贈平台」？佢哋點解咁好派錢？同埋我會同大家實測介紹香港目前最 Hit 嘅三大回贈平台！想知點樣一邊使錢、一邊賺錢？記得睇到最後啦！

到底咩係回贈平台？點解佢哋會派錢？

其實佢哋嘅出現，係一個完美嘅「三贏」局面！

流程超級簡單：當你透過回贈平台條 Link，入去合作嘅網購平台買嘢，就會啟動一個「追蹤功能」。當你成功俾錢之後，網購平台就會俾一筆「佣金」個回贈平台。然後，回贈平台就會將呢筆佣金嘅一部分，回贈返俾你！

至於回贈幾多 %？呢個數係會成日變㗎！有時做限時優惠，或者某啲特定商品，個 % 會特別高，所以大家要定期 Monitor 住！

1. 香港超高人氣：Shopback

第一間要介紹嘅，就係香港超高人氣嘅 Shopback！佢同超級多香港商戶合作，你諗得出嘅都有，例如 foodpanda、KeeTa、UNIQLO、Uber、百佳、Apple、iHerb、Trip.com 等等！

Shopback 最正嘅地方，係佢成日做「限時推廣超高回贈」，有啲商戶長期 Keep 住有十幾 % 回贈！佢仲有啲限時任務，例如叫你喺某啲商戶買滿指定金額，完成咗又派錢！我自己就係靠 Shopback，不知不覺賺咗接近 5萬蚊回贈！係咪好誇張先！

除咗買嘢，佢仲有個功能叫 Shopback Play！簡單講就係「你打機，我畀錢」！Download 指定遊戲 App 達到任務條件，即刻有現金派，啱晒平時鍾意玩手遊嘅朋友！

2. 儲里數換機票必備：HeyMax

如果你成日去旅行，鍾意儲里數換機票，咁你就一定要識呢個 —— 嚟自新加坡嘅 HeyMax！佢哋早前收購咗香港金融科技企業 krip，正式登陸香港！

HeyMax 幫你將日常消費轉化為「旅遊回贈」。經佢哋喺香港超過 300 間商戶消費，包括淘寶、HKTVmall、7-Eleven、Agoda 等等，就可以賺取 Max Miles！

呢個 Max Miles 有咩咁勁？

• 第一，永不過期，免手續費！
• 第二，兌換率極高：可以 1:1 兌換超過 30 個航空公司同酒店嘅積分！例如國泰 (Asia Miles)、卡塔爾航空、ALL Accor 等等！1 Max Mile 就等於 1 Asia Miles！
• 第三，最屈機嘅「三重獎賞」：經 HeyMax 買嘢，你可以同時賺到：Max Miles + 信用卡積分 + 指定平台會員積分！一簽三賺，賺到盡！

另外佢仲有個叫 FlyAnywhere 嘅熱門功能，可以直接用 1 Max Mile = HK$0.12 嘅比例去抵消預訂機票嘅費用！計落分分鐘抵過你直接用 Asia Miles 換機票啊！

3. 買日用品最實用：HKTVmall「CASHBACK 篤篤賺」

最後一間，相信香港人絕對唔陌生，就係 HKTVmall 推出嘅 「CASHBACK 篤篤賺」！

玩法好簡單，打開 HKTVmall App，經「CASHBACK 篤篤賺」專屬連結入去合作商戶，例如 Trip.com、Klook、Apple etc..買嘢，就可以賺取 Mall Dollar 回贈！

回贈率最高可以去到 10% - 20%！最正嘅係，$1 Mall Dollar 就等同 $1 現金，下次你喺 HKTVmall 買餸、買廁紙、買日用品嘅時候，可以直接當錢使，扣減簽帳金額！配合埋你張高回贈信用卡，又係一個「一簽多賺」嘅好方法！

三大平台實戰大比拼！

講咗咁耐，到底實戰起上嚟係點？我哋即刻攞幾個大家成日用嘅商戶嚟做個大比拼！

總結：點樣賺到盡？

睇完呢幾個例子，大家明唔明點解我強烈建議大家 「申請晒咁多個現金回贈平台」？

好處就係：夠靈活、賺到盡！

當你想買嘢嗰陣，如果發現你想買嗰間商戶，A 平台原來冇合作，又或者今日個回贈率跌咗，你就可以即刻轉去 B 平台或者 C 平台！買嘢之前開齊幾個 App 格一格價，睇吓邊個回贈最高先至「㩒掣」，咁就萬無一失啦！

總結一句，網購之前「停一停，諗一諗」，click 多兩下入去呢啲回贈平台先，包你慳返唔少冤枉錢！